Seguramente en numerosas ocasións quixemos explicar dunha forma máis dinámica unha unidade didáctica, ou quixemos que os nosos alumnos creasen historias ou traballos dunha forma diferente. Pois ben, estes últimos días descubrimos Toontastic!, unha aplicación de narración dixital moi interesante.
Claramente, antes de usar a aplicación teremos un traballo previo de chuvia de ideas que nos axude a plantexar a historia, a distribución, os ambientes... Non todo é coller a tablet e grabar!
O seu uso é moi doado, dentro dun esquema de historia que axuda aos nenos a estruturar as narracións imos editando as escenas, escollendo escenarios e personaxes, movendo aos mesmos, grabando voces... Se queremos, tamén contamos con plantillas para debuxar nós mesmos aos protagonistas ou incluso unidades temáticas de personaxes como Halloween, nadal...
Toontastic, ademais de axudar aos nenos a estruturar narracións ou historias permite engadir a cada escea música asociada a sentimentos concretos que tamén varía segundo a intensidade dos mesmos. Así os nenos poden escoller música dunha felicidade moi grande, de preocupación, de enfado... Abordaremos tamén educación emocional.
A aplicación tamén inclúe efectos especiais que quizais non poderiamos acadar coas nosas voces humanas. Déixovos aquí a práctica grupal que fixemos coa aplicación, a nosa historia chámase a Princesa Paula.
Hola Sonia! Me encanta tu narración digital. No conocía esta aplicación y me parece interesantísima, no dudare en utilizarla.
ResponderEliminarEncántame que che guste, Sara! Próbaa e xa me contarás que tal a experiencia e se o ves útil para as clases cos nenos.
ResponderEliminar